Kva er den fremste litteraturen som har kome frå Sogn og Fjordane – gjennom tidene? Ove Eide har prøvd å svare på dette, og har utarbeidd ein skjønnlitterær kanon frå fylket vårt, ei liste over den litteraturen han meiner står seg best.

For å kunne seie at litteraturen har stått seg, har han avgrensa utvalet til å gjelda forfattarar som har debutert før 1990. Lista hans ser dermed slik ut:

• Claus Frimann (1746-1829) – åndelege songar
• Kristian Elster d.e. (1841-1881) – romanar
• Matias Orheim (1884-1958) – salmar
• Knut Gjengedal (1900-1973) – romanar
• Sigurd Kvåle (1902-1962) – noveller
• Jakob Sande (1906-1967) – dikt
• Kari Bakke (1908-1998) – dikt
• Elling Vanberg (1937-1993) – dikt og prosa
• Jon Tolaas (1939-2012) – dikt og prosa
• Eldrid Lunden (1940 – ) – dikt
• Rolf Losnegård (1946- ) – skodespel
• Hans Sande (1946 -) – romanar, dikt m.m.

Ove Eide (Foto: Anja Angelskår Mjelde)

Ove Eide er pensjonert lektor, forfattar og foredragshaldar. I ein mannsalder har han vore særdeles oppteken av den lokale litteraturen. Det er truleg ingen i Sogn og Fjordane som har slik inngåande breiddekunnskap om litteraturen frå Sogn og Fjordane, det gjeld både den eldre og den nyare litteraturen. Samstundes har han den nasjonale oversikten, og har vore sentral i utarbeiding av både læreplanar og læreverk for norskfaget i den vidaregåande skulen.