Marie Amalie Landmark
Fødd: 5. august 1845 Fjaler
Død: 25. april 1935 (89 år) Fjaler
Yrke: skribent
Tema: Matstell
Debut: Husholdningsbog, 1892
Marie Amalie Landmark
Marie Amalie Landmark (5. august 1845–25. april 1935) var ein norsk husstellærar og kokebokforfattar.
Landmark er mest kjend for utgjevinga Kokebok for land og by som kom ut i mange opplag fram til 1932 og selte i over 100 000 eksemplar.[1][2][3]
Denne boka innheld ikkje berre oppskrifter på mat og råd om kosthald, men er av stor verdi kulturhistorisk av di ho gir eit godt bilete av skikkar og levemåtar i ei bygd på Vestlandet rundt førre hundreårsskiftet.[1]
Landmark skipa og drifta ein husstellsskule i Fjaler i 1883-1893, var omreisande lærar i husstell i regi av Nordre Bergenhus Amts Landhusholdningsselskab i perioden 1893-1897, og var mellom anna medarbeidar i bondekvinnebladet Husmoderen : Tidsskrift for Hus og Hjem.[3]
Marie Amalie Landmark vaks opp på Tysse i Fjaler kommune i Sunnfjord og vart buande der heile livet.
Bibliografi
Bøker
- 1892 – Husholdningsbog (Kristiania: Marius Lunds Forlag)
- 1900 – For landsbygden : raad og veiledning for hus og hjem (Bergen: N. Nilsens bogtrykkeri) I fulltekst ved nb.no
- 1910 – Fortællinger (Bergen: Lunde forlag)
- 1911 – Bagning og brygning i det smaa (Bergen: N. Nilssen & Søns Bogtrykkeri)
- 1984 – Kokebok for land og by (Førde: Fjaler sogelag) I fulltekst ved nb.no [Utgitt på ny ved Øens prent. Første gong trykt i 1890-åra.]
Kjelder
- Carl Lauritz Lund-Iversen, red. (1990). Ord gjennom år : dikting og diktarar frå Sunnfjord og Nordfjord : 1700-1986 med bibliografi : ein antologi ved Carl Lauritz Lund-Iversen. Naustdal: Sogn og Fjordane forlag.
- Marie Amalie Landmark (1984). Kokebok for land og by. Førde: Fjaler sogelag. [Utgitt på ny ved Øens prent. Første gong trykt i 1890-åra.]
- Henry Notaker (13. februar 2009). «Marie Landmark». Store norske leksikon.
- Eli E. Vengen (15. august 2006). «Har Fjaler norsk rekord i forfattarskap?». Firda: 8-9.
Referansar
Bakgrunnsstoff
| Autoritetsdata |
|---|