Mari Saltkjel
Statsborgarskap: Noreg
Fødd: 1976 (49 år) Vågsøy
Yrke: prest, skribent
Mari Saltkjel
Mari Saltkjel (fødd 1976) er ein norsk teolog, forfattar og lærar. Ho er frå Vågsøy i Nordfjord og arbeider som prost i Nordfjord i Den norske kyrkja. Ho blei ordinert i Hornindal kyrkje 6. januar 2008.[1]
Saltkjel har allmennlærarutdanning frå Høgskulen i Bergen. Ho har studert religionsvitskap og litteraturvitskap ved Universitetet i Bergen. Saltkjel har cand.theol. frå Uppsala Universitet[2] og tok praktikum ved Pastoralinstitutet i Uppsala som student for Härnösands stift.
Saltkjel har vore sokneprest i Hornindal, Nordsida og Randabygd sokn før ho i 2016 blei sokneprest i Vågsøy sokn. Ho har vore prost i Nordfjord sidan 2022.[3]
Mari Saltkjel er samfunnsdebattant og har engasjert seg særskild for likestilling, både i kyrkje og samfunn. Ho har skrive ei rekke kronikkar for blant anna Vårt Land og har vore fast gjestekommentator for avisa sidan 2024.
Mari Saltkjel har blant anna skrive boka Som en krone på hodet. Fortellinger om kvinners prestekall og har dessutan bidratt i antologien Tekster som gror.
Bibliografi
Bøker
- 2011 – Som en krone på hodet : fortellinger om kvinners prestekall (Oslo: Verbum). ISBN 978-82-543-1179-0
I bøker – eit utval
- 2005 – Tekster som gror : en antologi frå faglitterært forfatterstudium (Fredrikstad: Hvitveis forlag) [Red.: Ragnhild Aasland Sekne]
I tidsskrift – eit utval
Kjelder
- ↑ «Første kvinnelege prest i Hornindal». Firdaposten (Kinn). 8. januar 2008. s. 7.
- ↑ «To søkjer til preste-stillingar i Nordfjord». Firda (Sunnfjord). 23. juni 2007. s. 37.
- ↑ Aalberg, Anne-Mari (4. april 2022), «(+) Mari Saltkjel innsett som prost», fjordingen.no, henta 1. oktober 2025
- Som en krone på hodet : fortellinger om kvinners prestekall. Oslo: Verbum. 2011.