Hans Svarstad

Hans Paulson Svarstad (11. juli 1883–1. april 1971) var ein norsk lærar, politikar og forfattar frå Innvik i Stryn kommune.

Etter å ha gått amtsskulen på Eid i Nordfjord, tok Svarstad eksamen frå Volda lærarskule i 1907. Han fekk same året arbeid på folkehøgskulen Framnes, der han vart verande i 30 år. I 1931 vart han styrar for Framnes mellomskule, ei stilling han hadde til 1943.

Svarstad representerte Kristeleg Folkeparti og Hordaland på Stortinget frå 1937 til 1953.

Han gav ut forteljingane Ættararv i 1929 og Frå Bøgrendi året etter. I 1925 gav han i samarbeid med H. Høeg ut Lesebok for norsk ungdom.

Han fekk både Kongens fortenestemedalje i gull og Klostermedaljen.

Svarstad er gravlagd på Vikøy kyrkjegard.

Bibliografi

Bøker

• 1925 – Lesebok for norsk ungdom (Bergen: Lunde) I fulltekst ved nb.no  [Ved Hans Høeg og Hans Svarstad]

• 1929 – Ættararv (Bergen: Lunde) I fulltekst ved nb.no

• 1930 – Frå Bøgrendi (Bergen: Lunde) I fulltekst ved nb.no

I bøker – eit utval

• 1947 – Framnes ungdomsskule 50 år ( Indremisjonssamskipnaden) I fulltekst ved nb.no  [Redaktør: P. S. Eikrem. Av innhaldet: Ungdomsskulen sitt innslag i norsk folkeliv / Hans Svarstad, s. 36-41]

I tidsskrift – eit utval

• Lokalhistoriske artiklar Sogn og Fjordane

Kjelder

• Norsk Allkunnebok. X. Bandet. 1965
• Ord gjennom år : dikting og diktarar frå Sunnfjord og Nordfjord 1700-1986 : med bibliografi : ein antologi ved Carl Lauritz-Iversen. Naustdal : Sogn og Fjordane forlag, 1990
• Om Hans Svarstad i Allkunne
• Gravminner i Norge

Bakgrunnsstoff

• Om Hans Svarstad i Lokalhistoriske artiklar Sogn og Fjordane