Elin Grytting

Elin Pehrson Grytting (fødd 13. februar 1952 i Bærum) er ein norsk folkemusikar og songar.

Liv

Grytting har slektsrøter i Aurland i Sogn, og har budd på Sandane i Gloppen kommune i Nordfjord sidan 1976.

Ho er utdanna folkedansar og musikkpedagog, og har studert lokalhistorie og forming. Sidan 1989 har ho vore tilsett i Sogn og Fjordane fylkeskommune si fylkesmusikarordning. Ho har arbeidd mykje med innsamling av mellom anna vokal folkemusikk, og har formidla tradisjonsmusikk og –dans vidare gjennom undervisning og konsertverksemd. I 1998 gav ho ut plata Almuens Sanger, med tekstar av diktarpresten Claus Frimann. I 2011 vart ho tildelt kulturprisen i Gloppen kommune.

Laurdag 29. mars 2014, under Fylkeskappleiken på Sandane, blei Elin Grytting tildelt Folkemusikkprisen 2014 frå Sogn og Fjordane Folkemusikklag.

I 2019 gav ho ut biografien Claus Frimann : diktarpresten frå Nordfjord.

Bibliografi

Bøker

• 2019 – Claus Frimann : diktarpresten frå Nordfjord (Førde: Selja forlag) . ISBN 978-82-8240-150-0

Kjelder

• Fylkesleksikonet i NRK Arkivert 2019-08-28 ved Wayback Machine.
• Lydopptak av Elin Grytting kan du høyre her. Opptaka er gjort av Fylkesarkivet i Sogn og Fjordane, musikkavdelinga.
• Sogn og Fjordane folkemusikklag
• Fjordenes Tidende, henta 28.08.2019

Bakgrunnsstoff

Verk av Grytting

I bøker – eit utval:

• 2016 – Nordfjordboka : kulturhistorisk vegvisar (Førde: Selja forlag : Nordfjord sogelag) . ISBN 978-82-8240-105-0  [Forfattar: Jon Tvinnereim mfl., redaksjon: Torkjell Djupedal, Sverre Folkestad og Jon Tvinnereim. Av innhaldet: Folkesong / Elin Pehrson Grytting]

I tidsskrift – eit utval

• Lokalhistoriske artiklar Sogn og Fjordane