Wilhelm Kvalheim

Wilhelm Kvalheim (20. juni 1877–12. desember 1950) var ein norsk lærar, biletkunstnar og lokalhistorikar. Han var frå Kvalheim i Vågsøy kommune og var også m.a. busett i Selje, Stryn og Volda.

Kvalheim tok lærareksamen i 1897, og var lærar i Selje 1897-1900, på Bergens kommunale skule for åndsveike 1901-1903, på Florø kommunale mellomskule i Florø 1903-1906, i Selje 1906-1908, i Stryn 1908-1913, på Volda lærarskule 1913 og overlærar der frå 1924. Kvalheim var leiar i Nordfjord krins av Norges Kristelege Ungdomsforbund (NKUF).

Wilhelm Kvalheim var kunstmålar og stilte ut på Statens kunstutstilling i 1930. Han gav ut ei lærebok i teikning, og gjorde mykje av innsamlingsarbeidet for bygdeboka: Selje og Vågsøy : bygdene og bygdesamfunnet, ved Edvard Os.

Bibliografi

Bøker

1907 – Moldøen : enkelte træk af stedets historie (Bergen: Bergens Historiske Forening) [Er del av: Skrifter (Bergens historiske forening : trykt utg.) 13:1]
1924 – ABC-bok (Bergen: Lunde) [Forfattar: Andreas Austlid. Teikningar av Nils Bergslien og Wilhelm Kvalheim. Ny og umvølt utgåve]
1927 – Gamle joleskikkar serleg frå Vestlandet (Oslo: Samlaget) [Særprent or Syn og Segn, hefte 10, 1927]
1930 – Teikning i småskulen : ei hjelpebok for skulen og heimen (Oslo: Samlaget) I fulltekst ved nb.no
1932 – Tavleteikning (Oslo: Samlaget) I fulltekst ved nb.no
1936 – Rettssaker um trolldom i Nordfjord frå 1600-talet (Oslo: Noregs ungdomslag) [Særprent or Syn og Segn]
194? – Då Volda vart skuleby : eit 80-årsminne og eit kulturbilete frå Nordvestlandet (Volda) [Særprent or «Syn og Segn» hefte 4, 1941]
1949 – Gapestokken (Oslo: Samlaget) [Særprent or Syn of segn, 1949]
1949 – Heilagdomane på Selja (Volda: Eige forlag) I fulltekst ved nb.no
1960 – Volda kyrkje (Volda: Eige forlag)