Melchior Falk Gjertsen

Melchior Falk Gjertsen (fødd 19. februar 1847 i Kaupanger, død 22. april 1913 i Minneapolis) var ein norsk-amerikansk prest, salmediktar og skuledirektør.

Gjertsen utdanna seg på latinskule i Bergen Han utvandra til USA, tok presteeksamen ved Augustana Seminary og vart ordinert til prest i 1868.

Han jobba som prest i Lutheran Trinity Church i Minneapolis^[1], og var også skuledirektør i byen. Saman med Th. S. Reimstad gav han ut songboka Sangbogen i 1897. Gjertsen er representert med ein salme i Norsk Salmebok og Norsk salmebok 2013. Han gav også ut «Hjemlands sange» 1877, «Christopher Brun og pietismen» 1899, «Harald Hegg» – ei skildring av norsk settlarliv på prærien – 1914.

Bibliografi

Bøker

• 1877 – Hjemlands sange

• 1897 – Sangboken (Chicago)  [Saman med Th. S. Reimstad]

• 1899 – Christopher Brun og pietismen

• 1914 – Harald Hegg : ei skildring av norsk settlarliv på prærien

I bøker – eit utval

• 2013 – Reis deg, Guds menighet! (Stavanger: Eide)  [I: Norsk salmebok, salme nr 690]

Kjelder

Bakgrunnsstoff

• Anne Kristin Aasmundtveit, Biografisk leksikon til Norsk Salmebok og Norsk Koralbok, Verbum forlag, Oslo, 1995. ISBN 82-543-0573-0. Side 113.
• 1962 – Kristen sang og musikk. 1 (Oslo: Runa) Tilgjengeleg på bokhylla.no  [S. 752]
• 1988 – The testing of M. Falk Gjertsen (Northfield, Minnesota: NAHA) . ISBN 0-87732-074-8