Anders Olai Rindal

Anders Olai Rindal (7. mai 1878–31. mars 1969) var ein norsk lærar og forfattar. Han var fødd i Eid kommune, gjekk amtsskulen i Florø 1896-1897 og skogskulen i Steinkjer 1901. Rindal var nokre år i Amerika før han kom heim og vart buande på heimegarden. Han arbeidde som lærar fleire stader, m.a. på Hjelle, i Botnane og i Rugsund. Rindal var medlem av kommunestyret i Eid og han var aktiv i ungdomslag.

Rindal har ein stor produksjon av dikt, prologar m.m. og framhaldssoga Sterke makter i Fjordabladet.

Bibliografi

Bøker

• 1923 – Eit lite songhefte for ungdomslag (Sandane)

• 1931 – Samfund og kristendom (Sandane: Eige forlag)

• 1939 – Eid herad gjennom hundrad aar : 1837 – 1937 (Nordfjordeid: Fjordabladets prenteverk) I fulltekst ved nb.no

• 1960 – Lyse og mørke dagar (Nordfjordeid: Eige forlag) I fulltekst ved nb.no

I tidsskrift – eit utval

• Lokalhistoriske artiklar Sogn og Fjordane

Kjelder

• Ord gjennom år : dikting og diktarar frå Sunnfjord og Nordfjord 1700-1986 : med bibliografi : ein antologi ved Carl Lauritz-Iversen. Naustdal : Sogn og Fjordane forlag, 1990
• Gravminner i Norge