Jølster

Connie Hamre

Connie Hamre (fødd 26. september 1955) er ein norsk lærar og forfattar. Ho vaks opp på Leikanger og er busett på Vassenden i Jølster kommune. Hamre er adjunkt, arbeider (per 2016) ved Vassenden skule og ho har vore aktiv tillitsvald i Utdanningsforbundet.

Jarle Helgheim

Jarle Helgheim (fødd 1942) er ein norsk lærar, bygningsarbeidar, breførar og forfattar frå Skei i Jølster kommune. Helgheim har graden Cand. real. frå Universitetet i Oslo 1973 med hovudfag i geofysikk. Han har arbeidd som lærar i Oslo og Jølster og innan byggebransjen. På 1960-talet byrja Helgheim verka som breførar på Jostedalsbreen. I 2000 ga […]

Johannes Abrahamson Hjellbrekke

Johannes Abrahamson Hjellbrekke (1866–1926) var ein norsk forfattar som vaks opp på husmannsplassen Solbakken under Hjellbrekke i Jølster kommune. Han gav ut boka Jons forlovelser, truleg i 1890. Boka vart gjeven ut anonymt.

Knut Huus

Knut Huus (3. august 1882–11. mars 1971) var ein norsk bonde og forfattar. Han var fødd på Skei i Jølster kommune. Han budde også i Stardalen ei kort tid, før familien drog til Amerika. Han kom attende og busette seg i Gloppen. Huus var aktiv i ungdomslag og skyttarlag. Han gav ut dikt- og novellesamlinga Plogland og vårsol i 1962.

Anne-Cecilie Kapstad

Anne-Cecilie Kapstad (fødd 1975) er ein norsk lærar. Ho er fødd i Bergen og busett på Vassenden i Jølster kommune. Kapstad har vore aktiv i lokalt teater, mellom anna med sogespelet om baron Audun Hugleikson som først blei framført på Ålhus i 2002. Ho har også skrive ein biografi om baronen, Kongens sendebod.

Anders O. Klakegg

Anders O. Klakegg (30. mars 1913–18. juli 1990) var ein norsk bonde og forfattar frå Klakegg i Jølster kommune. Han var odelsgut og tok over farsgarden, men i 1956 pakta han vekk garden for å kunne skrive. Han gav ut fleire romanar med handling frå Jølster på 1600-talet. Han har også gitt ut bok om Nikolai Astrup og ættesoge for Jølster. Klakegg […]

Kjellaug Lillengmo

Kjellaug Lillengmo (1925–1986) er ein norsk forfattar. Ho er fødd i Nordalsfjorden, men kom tidleg til Jølster og vaks opp på slektsgarden Hjellbrekke. Lillengmo har eksamen frå handels- og yrkesskule, og vidareutdanning i kontorfag. Ho reiste frå Jølster i 1952 og var i Venezuela 1966-1967. Frå 1973 er Lillengmo busett i Lillesand. Lillengmo har […]

Solveig Berg Lofnes

Solveig Berg Lofnes (fødd 1964) er ein norsk museumsstyrar. Ho er frå Jølster. Lofnes har arbeidd ved Astruptunet sidan 1983, og er no avdelingsleiar for Astruptunet og Eikaasgalleriet, som er ein del av Sogn og Fjordane Kunstmuseum. I 2016 fekk Lofnes kulturprisen i Jølster.

Malmfrid Lunde

Malmfrid Lunde (15. januar 1901–18. mai 1976) var ein norsk lærar. Ho var fødd i Breim i Gloppen kommune. Ho gjekk Volda lærarskule og busette seg på Lunde i Jølster kommune. Malmfrid Lunde var lærar fram til 1962.

Kåre Myklebust

Kåre Myklebust (fødd 1939) er ein norsk bilsakkunnig og forfattar. Han er frå Myklebust i Jølster og busett i Førde. Myklebust arbeidde i 43 år ved Biltilsynet i Førde og gav i 2007 ut boka ”På hjul” (Selja Forlag) som tek føre seg bilhistoria i Sogn og Fjordane.