Kvinner

Sissel Værøyvik

Sissel Værøyvik (fødd 1959) er ein norsk forfattar. Ho vaks opp på øya Værlandet i Askvoll kommune, og er busett i Bergen. Værøyvik jobbar med løn/personal, og er også ei av to som skriv livshistoriar i bokform for privatpersonar gjennom Din Historie. Rakels bok er hennar debutroman. Boka er til m.a. seld til Polen, Tsjekkia og Tyskland. […]

Maria Tryti Vennerød

Maria Tryti Vennerød (fødd 17. januar 1978 i Oslo) er ein norsk dramatikar. Ho debuterte med «Meir» i 2002 og har sidan skrive ei rekkje tekstar for teater. Vennerød vann i 2003 den norsk-svenske dramatevlinga arrangert i samband med markeringa av Unionsoppløysinga 2005, med «Frank». Ho fekk Ibsenprisen i 2005 for «Dama i Luka». Ho hadde to av vin […]

Anne Viken

Anne Viken (fødd 10. august 1979) er ein norsk veterinær, statsvitar, bloggar, skribent, journalist, samfunnsdebatant og forfattar frå Bygstad. Viken er utdanna veterinær frå Norges Veterinærhøgskule og har bachelorgrad i internasjonale studiar frå Universitetet i Oslo. Ho har vore nyhenderedaktør i studentavisa Universitas og arbeidd som journali […]

Rakel Viken

Rakel Viken (11. september 1891–24. desember 1995) fødd Bolset, var ei norsk meierske og bygdediktar frå Skei i Jølster. Ho vart mykje brukt til å skrive dikt og prologar, og noko av dette er utgitt i bokform. Ho var gift med folkemusikaren Anders Olsson Viken, og er mor til musikaren Arne A Viken.

Nikka Vonen

Nikka (Nicoline Marie) Vonen (14. november 1836–29. november 1933) var ei norsk målkvinne, fjellvandrar, forfattar, folkeminnesamlar og ikkje minst grunnleggar av og styrar på privatskulen Pigeinstitutet frå Dale i Sunnfjord. Folkeminna og folkeskildringane Nikka Vonen samla inn frå Sunnfjord vart gitt ut på riksmål med dialogar på dialekt. Nikka […]

Irene Wedvik

Irene Wedvik (fødd 1948) er frå Nordfjordeid i Eid kommune. Ho har arbeidd i Arbeidsdirektoratet og Fylkesarbeidskontoret for Oslo og Akershus. I 2007 flytta ho tilbake til Eid. I 2008 gav ho ut boka Berre kom heim!

Julli Wiborg

Juliane (Julli) Wiborg (1880–1947) var ein norsk forfattar og lærar. Ho vart født på Leite i Ytre Holmedal, og var dotter til Nils Landmark. Juliane Wiborg er ein av dei mest leste forfattarane frå Sunnfjord. Ho skreiv moraliserande bøker for «unge piker», og gav i alt ut 34 titlar. Juliane Wiborg hadde også fleire forteljingar i Nynorsk Vekeblad. […]

Hege Woxen

Hege Woxen (fødd 17. juli 1975) er ein norsk lyrikar. Ho er fødd i Bærum og busett på Sandane i Gloppen kommune. Woxen har studert spansk, litteratur og idéhistorie ved Universitetet i Oslo og har teke Forfattarstudiet i Bø. Ho har også gått eit toårig forfattarstudium, Litterär gestaltning, ved Göteborgs universitet.

Anne Britt Ylvisåker

Anne Britt Ylvisåker (fødd 1957) er ein norsk førstekonservator ved KODE, Kunstmuseene i Bergen. Ho er frå Sogndal i Sogn og Fjordane.