Peter Bendow

Fødd: 4. august 1884

Død: 9. august 1959

Peter Bendow er namnet den norske juristen, forfattaren og illustratøren David Dietrichs Svendsen Arnesen (fødd 4. august 1884 i Brunlanes, død 9. august 1959 i Oslo) tok i 1948 etter å ha brukt det som forfattarpseudonym i ei årrekke. Han brukte også av og til pseudonyma Hermann Munter og Bjørn Rafft.

Peter Bendow budde i Lærdal frå 1895-1906 då faren Johan Ludvig vart prest der. Han skreiv som kriminalforfattar under dekknamnet Peter Bendow og endra altså seinare sitt eige namn til dette. Han blei cand. jur. i 1910, var rettsskrivar i Oslo lagdøme 1927-1936, i Eidsiva lagdøme 1936-1954.

Han skreiv fleire skodespel, mellom anna Kongens Ord i 1953 om lærdølane sitt opprør mot militærtenesta i 1802.

Han var også ein kjend amatøregyptolog og skreiv fleire bøker om emnet, mellom anna trilogien Pyramidetidens Egypt (1947), Stormaktstidens Egypt (1952) og Forfallets Egypt (1957). Til dei tre sistnemnde teikna Bendow også omslaget og vignettane som innleiar og avsluttar kapitla i bøkene. Boka Historisk lidenskap (1943) inneheld artiklar om såvel det gamle Egypt som frå Roma, middelaldersk romantikk, kong Christian II og dronning Elisabeth I.

Bendow skreiv også fleire historiar som vart publiserte i det populære norske tidsskriftet Magasinet For Alle, og han heldt radioføredrag. Boka Guder og templer (1956) inneheld utdjupande artiklar basert på radioføredrag om Egypt, med forfattaren sine teikningar og eigne fotografi frå Egypt. Han omsette også andre forfattarar sine bøker til norsk.

Bibliografi

Bøker

  • 1926 – Miss Eves ørkeneventyr (Oslo: Aschehoug) Les boka her
  • 1928 – Det indiske skrin : en Oslo-roman (Oslo: Aschehoug) Les boka her
  • 1929 – Frøken Statsadvokat (Oslo: Aschehoug) Les boka her
  • 1931 – Hvad kan ikke hende en dame? (Oslo: Aschehoug) Les boka her
  • 1932 – Det spøker hos Heigaard (Oslo: Aschehoug) Les boka her
  • 1932 – Hathorklubben (Oslo: Aschehoug)
  • 1934 – Det lakker mot jul : en fortelling fra gamle dager (Oslo: Aschehoug) Les boka her
  • 1934 – Kidnapped i Oslo (Oslo: Emil Mostue)  [Under pseudonymet Hermann Munter]
  • 1935 – Det var dengang da – (Oslo: Aschehoug) Les boka her
  • 1936 – Amor på middelhavstur (Oslo: Aschehoug) Les boka her
  • 1937 – Himmelen er skyfri : roman fra krigsutbruddet i 1914 (Oslo: Aschehoug)
  • 1939 – Vi er alle hyklere (Oslo: Aschehoug) Les boka her
  • 1942 – Når enden er god – (Oslo: Aschehoug) Les boka her
  • 1943 – Historisk lidenskap (Oslo: Nasjonalforlaget) Les boka her
  • 1943 – Omkring rettens skranke (Oslo: Nasjonalforlaget) Les boka her  [Med teikningar av forfattaren]
  • 1947 – I hvit kittel (Oslo: Mortensen) Les boka her  [Under pseudonymet Bjørn Rafft]
  • 1947 – Pyramidetidens Egypt (Oslo: Aschehoug) Les boka her
  • 1950 – Til fortidens eventyrland (Oslo: Aschehoug) Les boka her  [Illustrert av forfattaren]
  • 1952 – Stormaktstidens Egypt (Oslo: Aschehoug) Les boka her
  • 1953 – Kongens ord : folkespel i 5 bilete (Oslo) Les boka her  [Skodespel i 5 akter. 4. akt i 2 bilete]
  • 1959 – Tombola på brudekjole : og andre muntre historier omkring rettens skranke (Oslo: Nasjonalforlaget) Les boka her

Omsetjingar til andre språk – eit utval

  • Med egen ingång (1935). Svensk utgave illustrert av Ludvig Johnson
  • Pyramidetidens Ægypten (1949). Dansk utgave oversatt av Grethe Lundsgaard

Omsetjingar til norsk av andre forfattarar sine bøker – eit utval

  • E. Phillips Oppenheim: Virginia griper inn (1933)
  • W. N. Weech (redaktør): Verdens historie. I – II (1949)
  • Vivi Laurent-Täckholm: Faraos blomster. En kulturhistorisk-botanisk skildring av livet i Det gamle Egypt bygd på virkeligheten og med bilder fra de siste års utgravninger (1953)

I tidsskrift – eit utval

Kjelder

Bakgrunnsstoff

Teksten er henta frå Wikipedia, lisensiert under CC-BT-SA