Magne Fagerheim

Magne Fagerheim (20. januar 1916–1. november 2007) var ein norsk adjunkt, lokalhistorikar og SV-politikar. Han var frå Dale i Fjaler kommune.
Fagerheim var lærar ved Falchs Pensjonat- og Middelskole, og dreiv saman med brørne Oddleif Fagerheim og Sverre Fagerheim Sunnfjord Gymnas i tida 1943-1951.

Fagerheim har vore medforfattar av bygdeboka for Fjaler. Saman med Magne Bøtun skipa Fagerheim i 1965 fylkesavdelinga av Sosialistisk Folkeparti, som i 1974 gjekk inn i SV.

Han var leiar av Fjaler Sogelag og i styret i Sunnfjord Sogelag i mange år.

Magne Fagerheim var son til Ragnvald Fagerheim og bror til Oddleif Fagerheim.

Bibliografi

Bøker

• 1976 – Fjaler : gards- og ættesoge. Bind 1. Holmedal sokn (Dale: Fjaler sogelag)  [Av Ragnvald Fagerheim og Magne Fagerheim]
• 1976 – Fjaler : gards- og ættesoge. Bind 2. Dale sokn (Dale: Fjaler sogelag)  [Av Ragnvald Fagerheim og Magne Fagerheim]
• 1976 – Fjaler : gards- og ættesoge. Bind 3. Dale og Guddal sokn (Dale: Fjaler sogelag)  [Av Ragnvald Fagerheim og Magne Fagerheim]
• 1990 – Fjaler helselag 1915 – 1990 (Dale: Fjaler helselag) . ISBN 82-992187-0-5 I fulltekst ved nb.no
• 1998 – “Kjeldene fortel” : “Born av deim som bygde landet er på tuftom enno til” (Flekke: Fjaler sogelag)
• 1998 – Pensjonatskular i Fjaler gjennom 100 år (Dale: Fjaler kommune) . ISBN 82-994876-0-9 I fulltekst ved nb.no

I tidsskrift – eit utval

• Lokalhistoriske artiklar Sogn og Fjordane

Kjelder

• Fylkesleksikon Sogn og Fjordane Arkivert 2017-04-06 ved Wayback Machine.

Bakgrunnsstoff

• Om Magne Fagerheim i Lokalhistoriske artiklar Sogn og Fjordane
• Gravminner i Norge