Kristian Elster d.e.

Kristian Mandrup Elster (fødd 4. mars 1841 i Overhalla^[1], død 11. april 1881 i Trondheim), var ein norsk forfattar og forstmann.

Elster vaks først opp i Overhalla, men i 1853 flytta familien til Førde i Sunnfjord, der far hans var sorenskrivar. 15 år gammal vart han send til Christiania for å gå på skule der. Det var meninga at han skulle bli offiser, men det gjekk ikkje – han var for nærsynt. I 1867 reiste han til Giessen i Tyskland og utdanna seg til forstmann. Frå 1869 budde han i Kristiania og skapte seg eit namn som litteratur- og teaterkritikar i Aftenbladet og Norsk Folkeblad. I 1873 var han nokre månader konstituert forstmann i Valdres og vart så tilsett som forstassistent i Søndre Trondhjems amt, med bustad i Trondheim. Der budde han til han døydde av lungebetennelse 1881.

Han var son til sorenskrivar Christen Christensen Elster og far til Kristian Elster d.y. Elsters gate i Oslo er oppkalla etter han.

Bibliografi

Bøker

• 1872 – Om modsætningen mellem det vestlige og østlige Norge : ved tusindaarsfesten til minde om Norges samling som rige (Bergen: Eide) I fulltekst ved nb.no

• 1879 – Tora Trondal : fortælling (København: Gyldendal) I fulltekst ved nb.no

• 1881 – Farlige folk (Kristiania: Aschehoug forlag) I fulltekst ved nb.no

• 1881 – Solskyer : udvalgte fortællinger (Kristiania: Gyldendal) I fulltekst ved nb.no

• 1898 – Samlede skrifter. 1 : Farlige folk, Solskyer (Kristiania: Gyldendal) I fulltekst ved nb.no

• 1898 – Samlede skrifter. 2 : Tora Trondal, En korsgang, En fremmed fugl, Kjell Horge (Kristiania: Gyldendal) I fulltekst ved nb.no

I tidsskrift – eit utval

• Lokalhistoriske artiklar Sogn og Fjordane

Referansar

Bakgrunnsstoff

• Willy Dahl (1977). Kristian Elster : veien fra Grundtvig til Marx. Oslo: Gyldendal. ISBN 8205105715. 

• Kristian Elster d.e. (2016). Willy Dahl, red. Fra det moderne gjennombrudds tid : litteraturkritikk og artikler 1868–1880 : i utvalg ved Willy Dahl. Oslo: bokselskap.no/Det norske språk- og litteraturselskap. ISBN 978-82-8319-300-8.  [Først gitt ut i 1981 på J.W. Eide forlag. Tilgjengeleg i bokselskap.no.]
• Ottar Starheim (2009). Fylkesleksikon for Sogn og Fjordane. Førde: NRK. 
• Gravminner i Norge
• Om Kristian Elster d.e. i Lokalhistoriske artiklar Sogn og Fjordane
• Josef Nilsson (1942). Kristian Elster 1841-1881. Lund: Gleerup.