Ivar Kleiva

Fødd: 17. mai 1903

Død: 5. mai 1998

Ivar Krohn Gunvald Kleiva (17. mai 1903–5. mai 1998) var ein lærar, forfattar og lokalhistorikar frå Eidsdal på Sunnmøre, busett på Dalsøyra i Gulen kommune.

Kleiva avla lærareksamen i 1926 og arbeida som lærar i Torsken frå 1927 til 1940. I løpet av denne perioden tok han også ex.phil. ved Universitetet i Oslo, latinkurs, kurs i revisjon og bokholderi, snekkarkurs ved Statens husflidskole, Blaker, og kurs i fagteikning for snekkarar. I krigsåra var han lærar i Haram, før han kom til Gulen i 1946. Deretter var han rektor ved Dalsøyra skule fram til pensjonsalder i 1970.

Kleiva sat i Gulen kommunestyre for Arbeiderpartiet i 25 år, ei rekke av desse åra som formannskapsmedlem. Han var også kommunerevisor, medlem av skulestyret og leiar av Gula lærarlag, Gulen Arbeiderparti, Gulen Mållag og ungdomslaget «Fridom». Dessutan var han i 20 år dirigent for sangkor, mellom andre Dalsøyra songkor.

For si samfunnsnyttige teneste vart han heidra med Kongens fortjenstmedalje i sølv. I 1954 mottok han litteraturprisen Melsom-prisen til fremje av nynorsk.

Ivar Kleiva er far til biletkunstnaren Per Kleiva, som har illustrert to av faren sine bøker.

Bibliografi

Bøker

  • 1946 – Med «Steggen» på Storegga (Oslo: Norli) Les boka her
  • 1950 – Mann og mannsemne (Oslo: Norsk barneblad) Les boka her
  • 1950 – «Hugin» på vidvank (Oslo: Norli) Les boka her
  • 1953 – Vågar (Oslo: Damm) Les boka her
  • 1957 – Reven har ein lang trefot : sermelding frå London (Oslo: Norsk barneblad) Les boka her
  • 1962 – Det byrja som leik (Oslo: Norsk barneblad) Les boka her
  • 1966 – På oppdagingsferd i Sogn (Oslo: Noregs boklag) Les boka her
  • 1968 – Bussen (Larvik: Norsk barneblad) Les boka her
  • 1973 – Gulen i gammal og ny tid : gards- og ættesoga. 1 (Gulen: Gulen kommune) Les boka her
  • 1973 – Gulen i gammal og ny tid : gards- og ættesoga. 2 (Gulen: Gulen kommune) Les boka her
  • 1973 – På ferie til utkantgrenda (Oslo: Samlaget) Les boka her
  • 1973 – Gulen i gammal og ny tid : gards- og ættesoga. 3 (Gulen: Gulen kommune) Les boka her
  • 1981 – Dei to sverdsmedane (Oslo: Oktober) . ISBN 82-7094-305-3 Les boka her
  • 1985 – Noko om Teodora Nilsen og Hilmar Pettersens forfeder, ætt og etterkomarar (Bergen: I. Kleiva) Les boka her
  • 1990 – Skisser og minne frå Gryllefjord i hardåra 1927-40 (Søfteland: I. Kleiva) Les boka her
  • 1995 – Nedfallsfrukt : dikt (Valldal: Norddal mållag) Les boka her

I tillegg har han skrive kulturhistoria for Norddal kommune (Norddal bygdebøker III og IV)[1]

I tidsskrift – eit utval

Kjelder

  1. Kleiva, Ivar (1975): Grunn og gror. Norddal Bygdebøker. Band III. Kultursoge. Norddal kommune.
  • Gulen i gammal og ny tid
  • Bakke, Karl (1952) Norske skolefolk, bind 2, Dreyer forlag, Stavanger
  • Nekrolog, Aftenposten 15. mai 1998

Bakgrunnsstoff

Teksten er henta frå Wikipedia, lisensiert under CC-BT-SA